دي رسمة كنت رسمتها في تحقيق عملته في الجامعة مع مجموعة من أصحابي
عن البنات اللي بتفتكس طرق جديدة عشان يتجوزوا ويقابلوا فارس الأحلام
اللي هيأخدهم في العربية الجاجور البيضة ويسافر بيهم علي القصر بتاعه اللي في أسبانيا
بتضحكوا والله هو دة فعلا اللي سمعناه لما كنا بنعمل التحقيق يعني لما كنت بسأل
اي بنوتة معانا في الجامعة عن الطرق الجديدة اللي بيصطادوا بيها العرسان
اهو منها الواحد يعرف دماغ الناس دي بتفكر أزاي دلوقتي ومنها الواحد يأخد حذره عشان
ما يتحورش عليه بأي طريقة من الطرق دي وبدل ما أخلص التحقيق هلاقي نفسي نازل علي العبد اللي في وسط البلد
ومظبط الشاب اللي بيبع هناك بجوز جنيهات و بغمزلة بعيني
وبقولة عايز كدة حاجة تمام لأحسن أخوك رايح يدبس تدبيسة صح
المهم نرجع لموضوعنا اتضح ان الأنسات اللي سألناهم
قبل ما بترد عليا لازم تقولي الحوار دة
العبد لله : ممكن تقولي لي اية اخر افتكاسة سمعتيها عشان تصطادوا لغلابة اللي زينا
الأخت الفاضلة تمرقني بنظرة افسرها انا ايه الأشتغاله الجديدة دي يمكن عايز يتعرف عليا وعامل الحوار دة كمدخل طب لما نشوف
اخرته معاه وترد في دلال واضح : واللهي انا مش حاطة الموضوع في دماغي دلوقتي انا عايزة اعيش فترة الجامعة مع نفسي مش أقيد نفسي بواحد يعد عليا اصحابي وواقفة بتضحكي مع دة لية وحوار خنق يعني فأنا ما بفكرش في الموضوع دة دلوقتي اساسا
العبد لله وانا بفكر مع نفسي قولت اية العقل دة كلة ما شاء الله وكنت هسألها بعد كدة سوال مهم قوي وهو
اين نشأت وترعرت سيدتي ؟ اية يا بنتي الدماغ دي اية العقل دة المهم فوقت من الفيلم اللي انا عايشة دة وسألتها
الكلام اللي انتي قولتية دة جميل اوي بس اية هي بقي اخر افتكاسة سمعتيها
الأخت رديت عليا برضة بحواركدة بس مش راضي احكي لتملوا مني وجت الاجابة منها في الاخر
انا واحدة صحبتي ارتبطت عن طريق ال هاي فايف اتعرفوا علي بعض ومشيت الحياة معاهم تمام
العبد لله زهقت من الرغي بتاعها الكتير بس اللي اقدر اقوله ان بعد ما عملنا التحقيق اتضح ان البنات
معظمهم مش كلهم طبعا المادة عندهم اهم شي في العريس اللي متقدم
وازاي هيعيشها في القصر بتاعها والعربية الجاجور بتاعتم هيغيروها كام مرة في السنة
من الأخر انا عندي نصحتين واحدة للشباب وواحدة للبنات
الشباب: احذر في حوارات جديدة ظهرت في الاسواق عشان يصطادونا وانتوا عارفين اننا بقينا نوع نادر الوجود في
الزمن دة انا قصدي طبعا علي الشباب الرجالة مش الشباب التوتي فروتي اللي ملوا البلد اليومين دول ما هم الموسم بتاعهم الصيف يلا هنعمل اية
اما البنات فهو رجاء مني اكتر ما هي نصيحة ياريت تعيشوا علي ارض الواقع بلاش احلام كتير مش لازم اللي هيتجوزك يكون شعر صدرة زي تامر حسني وركبه زي حازم امام او عينة زي احمد عز
والحاجات العقد دي انتب مش بتجمعي كيسة لجهاز
ثانيا مش لازم يكون في غني بيل جيتس يعني عشان تتعطفي علية وتتجوزية المهم الحب اللي بينكوا والاخلاق
وهل فعلا هيقدر يشيل مسؤلية ولا هيطلع توتي فروتي برضة
ياةةةةةةةةةةةة
دا انا طولت عليكوا اوي بس خلاص انا خلصت بس ليا طلب اخير
لو عرفتوا اي افتكاسة جديدة في موضوع الجواز دة ابقوا قولوا لي والثواب والأجر عند الله
دا انا طولت عليكوا اوي بس خلاص انا خلصت بس ليا طلب اخير
لو عرفتوا اي افتكاسة جديدة في موضوع الجواز دة ابقوا قولوا لي والثواب والأجر عند الله
16 comments:
اولا البوست رائع كالعادة
بالنسبة لسؤالك للاسف معرفش اى طرق مفتكسة او غير مفتكسة
هو انا لو اعرف كان زمانى قاعدة كده
ههههههههههههههه
وعموما مش كل البنات ككده تفكيرهم سطحى وفعلا الشباب التوتى فروتى ملوا البلد فعلا مش بشوف عيرهم فبتخنق بجد
عموما مش لازم يكون زى تامر حسنى ولاعايزة ركبه حازم امام
بس ميمنعش يعنى لو فيه عينين احمد عز يبقي خير وبركة
يالا سلام
Posting very, very nice, thank you.
Have a good day
I go to be with the Greek people, and you?
لا أريد لعب دور الناقد لأنه يضفى نوعا من الفزلكة الغير محببة
ولكنك أكثر روعة في رسم البورتريه الكاريكاتوري
ربما جلسنا سويا علي المقهى قريبا لنتكلم عن الكاريكاتير ان كنت تحب الخوض في هذا المجال
تحياتي يا فنان
وفي انتظار بورتريهات لازعة كالعادة
تحياتي
تحياتى على الموضوع... تصدق انى برضه كان عندى فكرة مشابهة للحوار ده لكن مش فى الجواز...
على العموم اتمنى ماتكونش اخر زيارة لمدونتك اعذرنى اصلى بتوه كتير ... تقول ايه اخر قرصان بقى
يارب يكون الموضوع عجبكوا
ياسمين العسل
انا معاكي ان مش كل البنات تفكيرهم سطحي اكيد في منهم عاقليين
ويارب اتكبل في واحدة منهم
mr.david
thanks about your opinion
د.أشرف حمدي
انا عمري ما بزعل من النقد ودة لاني هفضل اتعلم لغاية ما موت واكيد اكيد هنتقابل قريب عشان نتكلم في الموضوع دة بس ابوس ايدك ابعدني عن كافية شاهندة بتاعك دة لحسن احنا داخلين علي شهر كريم
همبكة أخر قرصان
ما تزعلش مني عشان ماردتش
علي تعليقك في البوست اللي فات
بس والله ظروف شغل لا اكتر ولا اقل
ومشكر طبعا علي تعليقك علي البوست
وابقي شوفلك حل في موضوع التوهان لتقلب معاك بزهايمر
بجد ياعبد الرحمن انت فنان
بورتريه هايل
وبوست هايل بجد
ياعبد الرحمن
ربنا يوفقك
البورتريه رااااااااااااااائع واهنيك
بس زى كلللللل البنات هقلك برضه صوابعك مش زى بعضها
وزى ما فى ولاد توتو فروووووتى عالاخر
برضه فى ولاد اينعم مش كتير الايام دى بس فى ولاد الناس المحترمين
كذلك البنات
أبو حميد الزهقان
شكرا يا برنس علي الكلام الجامد دة
وربنا يكرمك ويوفقك انت كمان
ايمي العسولة
متشكر طبعا علي رايك
وانا متفق معاكي ان في
ولاد رجالة يستحقوا كل خير
زي العبد لله كدة
بعد السلام عليكم
أحييك يافنان علي إبداعاتك الجامدة دي
و شكرا علي النصيحة الغالية
بس علي فكرة فعلا الكلام ده مش علي كل البنات
زي ماهو مش كل الشباب توتي فروتي
و سلملي علي .. بالتوفيق صحفيين
تحياتي يافنان
مساء الفل
ايه الجمال دة
بتقرا افكار البنات كمان
اقولك بقى على طريقة مهمة جدا لاصطياد العرسان
مثلا لما تركب مركب فى لنيل
تلاقى مجموعة بنات يقومو يرقصوا
طبعا تحت اشراف الام القدوة
والشباب اللى يسقف لهم واللى يصور بالموبايل
واللى يقع لشوشته وهكذا
شكرا يافنان
أبو صلاح
اولا بالتوفيق صحفيين
دة بيسلم عليك انت
مش عليا شكرا طبعا علي كلامك الجامد دة
زوزو رويترز 2
انتي اتعديتي من واحد صاحبنا
ولا اية اولا انا عمري ما احكيليك حاجة تاني دا انتي مطلعتيش رويترز وبس
دا انتي المفروض تكتبيها في الجرنال كمان والله لما اشوفك
هيبقي في كلام تاني
تسلم ايدك يا فنان ع الرسمة الحلوه :)
و ع التدوينه المضحكة المبكية دي..
طرق الاصطياد فعلاً بقت كتير و لو عايز طريق جديده..خد عندك
1- المنتديات..
2- الاتصال من التليفون اي رقم عشوائ.. واخ معلش النمرة غلط ..اصل كنت مش عارفه عايزه اعمل ايه .. "بصوت دلال طبعا" و الأخ يندلق زي الرطل..
3- لو زملاء في العمل.. هتستعمل سلاحها الفتاك و تجيب بوز أهله الأرض "سوري في اللفظ طبعاً"
الحركات كتير و عايز اقول للفئة دي من البنات.. يتهدّوا شوية.. ربنا يهديهم..
رزقهم هيجيلهم لغاية عندهم.. مش عارف هم مسربعين على ايه؟!!
في الأخير.. أدعوك بالزيارة لمدونتي تيليسكوب..
www.tlescope.co.nr
GADELiOO
بوست تحفة يا عبد الرحمن بس فعلا صوابعك مش زى بعضها مش كلة عايز الجاجوار والقصر الى فى باريس ممكن تلاقى واحدة غلبانة عايزة مينى كوبر وشقة محندقة 10 اوض وريسيبشن فى جاردن سيتى
ياعنى فى كدة وكدة
المشكلة بقى ان الولاد يعدوا يتفزلكوا وفى الاخر يتدبوا على بوذهم برضة
10ma
لا والله طلبات بسيطة ما يحققهاش الا واحد يا اما بيشتغل في المخدرات او بيبع سلاح
هههههههههههههههههههههههه
انا معاكي ان صوابعي مش زي بعضها بس انتوا برضوا بيبقي ليكوا طلبات تخلي الاقرع يطلعلوا شعر
ومعاكي برضوا اننا كشباب بنقعد نتفزلك وندب علي بوذنا في الاخر بس هنعمل ايه ادي الله وادي حكمة
شركة عزل اسطح بالدمام
شركة تسليك مجارى براس تنورة
شركة تسليك مجارى بسيهات وعنك
تسليك مجارى بالدمام
تسليك مجارى بالاحساء
Post a Comment