اولا كل رمضان وانتوا بخير ...... انا اخترت عنوان لحظات رمضان عشان حاجة مهمة قوي وهي ان الشهر الكريم دة بيعدي في لحظات يبدأ وبعد كدة تلاقي اول عشر ايام في الشهر خلصوا هوب جه نص الشهر هوب لاقيت نفسك في العشرة الاواخر وبتختم القرأن عشان كدة بقولك بيعدي في لحظات
عشان كدة انا سجلت لحظتين في رمضان يارب يعجبوكوا
اللحظة الاولي : بنت بتستعد لشهر رمضان بتكتب جدول يومي ليها هتقرا كام جزء في اليوم
هتصلي قيام الليل والتراويح بمعني اصح واخده الموضوع جد وناوية
تستفيد بالشهر الكريم دة بكل طاقتها
اللحظة التانية : بنوتة اهم حاجة عندها هتقضيها ازاي في رمضان اية المسلسلات
الجديدة اللي هتتعرض
وقصة كل مسلسل اية بالضبط واية حكم الدين في ان البنت ممكن تكلم المز بتاعها او خطيبها في نهار رمضان وهل يجوز ولا لا وهل ممكن تكلمة بالليل ولو طول تستأذنة وتقولة اصلي هاصلي قيام الليل جماعة هنا مع العيلة متعطلنيش اكتر من كدة وهل لو قالتله بحبك الصح في نهار رمضان يبقي صيامها ضاع ولا لا
لازم نستفيد بكل لحظة في الشهر دة لانه زي ما قولت بيعدي في لحظة
12 comments:
بعد السلام عليكم
كل سنة وأنت طيب يافنان
جامد أوي الشغل الرمضاني ده يا عُبد
اللهم أجعلنا من من تغفر ذنوبهم في رمضان
ويارب نكون كلنا زي البنت اللي في اللحظة الأولي
تحياتي
ورمضان كريم
السلام عليكم
ازيك يا بكر زى ما احب اناديك لو مش حيضايقك... انت عارف انا بصراحة طول عمرى بحب انى اعرف كل واحد بيقضى رمضان ازاى؟؟؟
مش قصدى مسألة العبادة لان ده شىء موحد عند الكل لكن قصدى دماغه عاملة ازاى فى رمضان المود بتاعه ايه؟؟؟؟
وكويس انى عرفت حالة من اللى كتبتها دى حتى ولو كانت نسج من الخيال
وتحياتى ليك
كل سنة وانت طيب
سؤال اشمعنى بنت يعنى مينفعش ولد ولا ايه
فعلا ده شهر واحد بس فى السنه
لازم نستغله صح
ونتعب قيييييييييه
بس مش مسلسلات لا عباده
وكل سنه وانت طيب ورمضان كريم
اللهم تقبل منا صلاتنا وقيامنا وصيامنا
تحياتى
شغال
فيه أنواع كتير ممكن شخص يخلط بين الاتنين يعمل كل الطاعات وبرضه يشوف مسلسل أو اتنين عاجبينه ويستنى ربنا يغفرله وإن شاء الله يغفر لكل الأنواع دي
ابو حميد الجامد
كل ينة وانت طيب يا حج
وتشكر علي المجاملة الرقيقة دي
همبكة
شكرا علي رأيك دة
وسعيد دايما بردودك
ياسمين
كل سنة وانتي كمان طيبة
وياستي الموضوع ممكن يمشي
ولد او بنت
حسام مراد
كل عام وانت طيب يا بوب
وفعلا الشهر دة بيعدي هوا ولازم نستغلة احسن استغلال
الأستاذ
انا موافق طبعا في رأيك دة
ممكن شخصسة تجمع كل الأهواء
أعجبتني اللوحة الأولى جدا
رسمك للملابس وثناياها أكثر من بارع
انت اللي راسمها فعلا ؟
د.اشرف حمدي
والله العظيم انا اللي راسمها
ومش شاففها من مجلة ولا حاجة
كل سنة وانت طيب ياعبده
فعلا واللهى عندك حق
شهر رمضان بيعدى وكأنه ثوانى
دة حتى الواحد لسة فاكر رمضان اللى فات وكأنه كان امبارح
يلا عقبال رمضان الجاى واللى بعده واللى بعد اللى بعده
لغاية رمضان اللى تقع فى سنانا
واقولك وقتها
كل شنة وانت طيب
اختك زوزو
زوزو العسل
كل سنة وانتي طيبة
وعقبال رمضان اللي جي واللي بعدة علي رأيك
وعايزين نبقي نشوفك
فعلا يا عبد الرحمن الشهر دة بيعدى هوا واول مرة السنة دى احس انة عدى كانة يوم واحد يمكن عشان كنت ناوية قبل رمضان مضيعش ولا يوم وغصب عنى برضة ضاع منى كذا يوم
انا امبارح كنت بعيط زى ما يكون ميتلى ميت ولا مقتولى قتيل وانا حاسة ان رمضان خلص ومش باقى غير يومين وانا مش عارفة اخلص المصحف ولسة لحد دلوقتى فى حالة حزن بسس الحكاية دى
10ma
انا معاكي انه بيفوت بسرعة وبيعدي هوا . بس والله ممكن برضة الواحد في اليومين اللي ناقصين دول يعمل اللي عليه و يتقرب الي ربنا بالصلاة والصيام واغتنام الفرصة دي لان اللي بيفوت عليه رمضان وما بيتغفر لوش دة بيشوف ايام ما يعلم بيها الا ربنا
Post a Comment