كل عيد وانتم طيبين

.

كل عيد والأمة الاسلامية والعالم العربي بخير وسلام

أستاذنا الكبير مصطفي حسين

صورة تذكارية مع الفنان مصطفي حسين في افتتاح معرض الفنان أبراهيم البريدي بساقية الصاوي عام 2008

-----------------------------------------------------------------------------------------

عقلي وقلبي وكل مشاعري خارج السيطرة،‮ ‬فإن إنسانا من أعز الناس يقف الآن علي حافة الحياة‮.. ‬وأتوسل إلي الله ألا يغيب عن ناظري‮.‬مصطفي حسين الذي قاسمني أعنف معارك الصحافة يخوض الآن وحده آخر معارك العمر

دفاعا عن الحياة‮.‬صلوا معي من أجل مصطفي حسين‮ .‬

أحمد رجب

---------------------------------------------------------

دي كلمات الكاتب الكبير الأستاذ أحمد رجب ونشرت اليوم 17 -11- 2008

انا لما قريت الكلمات دي اتاثرت جدا ... واللي ما يعرفش الموضوع فا احب اوضح ان كان في فترة زعل كبيرة بين الاستاذين مصطفي حسين واحمد رجب وحصلت محاولات كتيرة للصلح بينهم بس ما اثمرتش علي نتيجة مفيدة.. كلنا توقعنا بعد كدة ان يبقي في بعد بينهم ولكن بكلمات الاستاذ احمد رجب النهاردة اثبت ان فعلا عمر ما في حاجة اسمها صداقة وانتهت .... دعواتي لأستاذي الكبير مصطفي

حسين بالشفاء العاجل ويارب يرجعلنا بالسلامه

---------------------------------------------------------------

وعشان كدة انا رسمت البورتريه دا مخصوص لأستاذنا مصطفي حسين واتمني من الله ان يشفيه من مرضة ويعود لكل محبيه بالسلامه

فواز وشمس

فواز وشمس شخصيتين لولد وبنت عمانين .... مشاكسين في بعض ...كل واحد بيعمل في التاني مقلب كل حلقة

اسيبكوا معاهم وعايز اعرف رأيكوا فيهم

أبن سينا

الصورة الأصلية

ابن سينا عالم عربي قديم ومن اشهر علماء العرب ..... دي راسمة كانت علي قصة سردية في احدي مجلات الاطفال العربية

storyboard

الصورة الأصلية


storyboard

اولا : كل عيد وأنتم طيبين .... ثانيا : بعتذر عن فترة الغياب عن التدوين طوال شهر رمضان ودا لاني اصبت بحاله خمول طول الشهر زي كل الناس ولكن كان شهر جميل ما حدش طبعا يقدر يقول غير كدة ربنا يتقبل منا ومنكم .....ثالثا : حابب اعرض عليكوا تجربة جديدة بالنسبة لي وهي الاستوري بورد وهي عبارة عن كادرات متقطعة او مشاهد منفصلة لقصة واحدة ..... وفن الاستوري بورد بيستخدم في تصوير الاعلانات والكليبات حتي الافلام لانه بيساعد المخرج ومدير التصوير وغيرهم من الفنيين الموجوديين بموقع التصوير باختيار افضل زواية تصوير وافضل اضاءه ..... وكانت تجربتي في المجال دة عن طريق الرسومات اللي انتوا شايفنه قدامكوا دي .... والقصة كلها عبارة عن اتنين متجوزيين هما محمد وشيماء وحابوا يفتكروا حياتهم من اول ما اتعرفوا وحبوا بعض لغاية ما بقي عنهم اولاد ... الفكرة في حد ذاتها مجنونة ودا اللي حمسني للدخول في التجربة دي هما حطوا افكار الكادرات وانا نفذتها .... ورسمتلهم بورترية كاريكاتري علي الفوتوشوب كأهداء مني ....بس بجد استمعت بتجربته الاستوري بورد وحابب اني اكررها تاني

بيت الله الحرام

ربنا اكرمني ومسافر رحلة عمرة انشاء الله بكرة يوم الاربعاء 13-8 ....... واكيد مش هنسي اي حد في الدعاء .... وعقبالكم انشاء الله

الملك عبد الله بن عبد العزيز

دا اسكتش مبدئي للملك عبد الله بن عبد العزيز .... البوست الجاي هابقي انزل الرسمه متلونة ... مستني رأيكوا

شريف صبري

الصورة الأصليه

شريف صبري دا مش المخرج بتاع اغاني روبي لا دا صحفي ومصور جااااااامد جدا وزميلي في جريدة وشوشة ........ والطريف انه هو المصور اللي التقط احدث صور لعمرو دياب بالقصة بتاعته الجديدة دي اللي شبه بروس ويلز والغريبه ان اكتر من مجله واكتر من جريدة نشرت الصور دي ونسبه المصدر ليهم هما ... فا تفقت انا وهو علي اتفاق اني ارسمه بورترية وهو هيصورني كام صوره جامدين كدة هابقي انزلهم علي البلوجر بس لما يصورني ..... بس يارب يطلعني شكل عمرو دياب

مش شكل سيد زيان

self portrait ...... بورتريه شخصي

والله مش عارف اقول ايه ...... بس ممكن اقول انها لحظة جنان لاني رسمت البورترية دة لنفسي الساعة 2 بالليل وخلصته الساعه 4 قبل ما الفجر ما يأذن ........ مش عارف بس انا بحس ان اكتر وقت بحب ارسم فيه بالليل بدايه من الساعة واحدة ....يمكن عشان بيبقي الجو هدوء ومفيش زيطة ودوشة .... الله اعلم

في ذكري شيخ جليل .... الشيخ محمد متولي الشعراوي

الصورة الأصلية

الشيخ محمد متولي الشعراوي من العلماء الاسلاميين الكبار ......... ويمكن انا وجيلي ما عصرناش فترة توهجه احنا يمكن نكون عصرناه قبل مماته بقترة بسيطة بس انا مش ناسي حديث الجمعه بتاعه بعد الصلاة والموسيقي المميزة للبرنامج ............. ولا انكر حب والدي لهذا الرجل واعتقد ان والدي من اكثر الناس حرصا علي تجميع احاديث وتفسير القران للشيخ محمد متولي الشعراوي وتسجيلات قديمة فحبيت في مرة اقرا كتاب من الكتب بتاعه اللي عند والدي واللي بيحافظ عليها كانها ولاده فقريت كتاب اسمه الطريق الي الجنة وبصراحة انا كنت كل ما بقي عايز اسيب الكتاب امسك الكتاب تاني وعايز اكمله عجبني اسلوب الراجل دة جدا وهو اسلوب السهل الممتنع يعني بيشرح بطريقة سهله بسيطة بعيدا عن الكلمات والالفاظ الصعبة وغيرها من الكتب ........ انا حابب اهدي ليكوا الينك دة وفيه تفسير الشيخ الشعراوي لسور القران الكريم بصوته يارب يفديكوا

http://www.islamiyyat.com/shaarawi-tafseer-audio.htm

بالنسبة للرسمه انا اقول ولا بلافخرانا بعتبر البورترية دة من اجمل واشد البورتريهات اللي رسمتها في حياتي واكتشفت معني جميل جدا وانا برسم البورترية دة . انك لما تكون حابب الشغل او العمل اللي بتعمله بتستمتع بيه وبتنسي الدنيا كلها حواليك ودا اللي حصل معايا انا رسمت البورترية دة في يومين كاملين علي الفوتوشوب ومش قادر اقولكوا انا استمتعت بالبورترية دة قد ايه وساعد علي كدة اني حسيت ان وش الراجل دة منور وفيه هدوء غريب مش موجود في وشوش ناس كتير موجودة دلوقتي . في الرسمه الاولي اللي بالابيض والأسود دا الاسكتش الأولي للبورتريه والرسمه التانية دي بداية تلويني للبورتريه والتالته الشكل النهائي للبورتريه ...... بجد سعيد جدا بالبورترية ده وحابب اقول لنفسي برافو يا واد يا عوبد هههههههههههههههههههههههه

د.زويل والترشيح الثاني لجائزة نوبل

د. زويل العالم العربي اللي بنفخر دايما انه مصري وانه وصل للدرجة دي من العلم والابحاث العلمية المشرفة وحصل الدكتور زويل حتي الان علي 33 دكتوراه في مجاله ........ فيجب علي كل مصري انه يفخر ان مصر خرجت عالم كبير زي د. زويل ............ وفي كلام ان د.زويل هيتم تريشحة لجائزة نوبل للمرة الثانية بسبب اختراعة الجديد الميكروسكوب رباعي الابعاد ... ودا لينك مع د.زويل حول الاختراع الجديد وفايدتة ومميزاتة وعيوبة واختلافه عن الاختراع السابق الفيمتو ثانية

http://www.copts-mashaheer.com/nb20/p8.htm

اما تاني لينك دة فدا حوار عملته جريدة المصري اليوم وكتبه رئيس التحرير الاستاذ مجدي

مع د. زويل هو حوار مطول شوية ولكنه من اجمل الحورات اللي اتعملت مع د. زويل لانه بيكشفلك الجانب الانساني والعائلي في حياه المخترع والعالم الكبير

http://www.adwforums.com/thread87410.html

فا انا قولت اقل حاجة اعبر بيها عن حبي وتقديري للعالم الكبير دة اني ارسمله بورترية بس غير اي بورترية وانا كنت قاصد ان الالوان تطلع جافة شوية وركزت علي نظرة العين اللي مليانة احاسيس متناقضة من ثقة بالنفس لذكاء لعطف ورحمة ابن البلد المصري اللي مهما عاش برة مصر مش هيختلف فيه غير بس اللسان واللغة انما هو بكيانة وصفاتة هيفضل زي ماهو مش هيتغير

أنا والتابلت وهواك

هتسالني طبعا اية التابلت دة ؟؟؟؟؟؟؟؟؟؟

التابلت دا حاجة كدة اكنك بترسم علي لوحة عادي جدا بس كل الفكرة انك بترسم علي الكمبيوتر علطول ودا بيختصر الوقت والجهد في الرسم وبدل ما ترسم وتحبر وتسحب الرسمة علي الاسكنر التابلت بيختصر كل دة ......... انا لسة مشترية ما بقاليش يومين وقلت اجرب اشتغل علية فرسمت بنوتة زميلتي رسامة اسمها اسما وهي فنانة هايلة يارب الرسمة تعجبكوا

أسكتش أبيض وأسود 2

دا الأسكتش التاني أبيض وأسود برضة للبابا شنودة

ابقوا قولولي رايكم في الرسمة دي اية

أسكتش أبيض وأسود

دا أسكتش أبيض وأسود لسيادة المحافظ فتحي سعد المحافظ الأسبق لمحافظة الجيزة

والمحافظ الحالي لمحافظة 6 أكتوبر

السيمي لايف

اية السيمي لايف دة ؟؟؟؟؟؟؟ قعد اسأل نفسي يعني اية دة

هل دة فن ولا حبوب بتتصرف من الاجزاخانة فأتضح ان دة نوع من أنواع فن الرسم والنوع دة بيجمع بين الرسم الأليستريشن والكاريكاتور البسيط مش المبالغة القوية ..... عجبني الموضوع قوي قولت طب لما اجرب احتمال يعمل معايا شغل .......ابقوا قوليلي اية رأيكوا في الرسومات دي

د. محمد فتحي والأمتياز

الراجل دة أنا بعتبرة أخ بالنسبة لي ..... الراجل دا المعيد بتاعي في القسم والمشرف علي مشاريع التخرج والنهاردة الخميس الموافق 17/4/2008 كانت مناقشة رسالة الماجستير بتاعتة بعنوان معالجة الكاريكاتور للقضايا المحلية ونال عن الدراسة دي درجة الماجستير بدرجة أمتياز ....... فا من فرحتي رسمتله البورترية دة أما بالنسبة للبنوتة الصغنونة المرسومة علي إيدة دي اسمها تووتة ودي شخصية هو بيكتبها وبيرسمها فنان الكوميكس الجميل هاني صالح وبتنشر حلقاتها في مجلة باسم .... وأنا في الرسمة دي رسمت تووتة وهي فرحانة بأن أبوها الروحي اللي هو د.محمد أل باتشينو قصدي د. محمد فتحي نال الماجستير بأمتياز .......فا أنا بقولك مبروووك يا د. محمد وعقبال الدكتوراه وتكون ساعتها تووتة كبرت شوية

الشاعر عبد العزيز جويدة

دي رسمة للشاعر عبد العزيز جويدة .....دا شاعر كبير بس انا مش عارف هو أخو الشاعر فاروق جويدة ولا دة تشابة في الأسماء ......الرسمة دي هتنزل في مجلة نساء

مجلة نساء

تحديث بسيط للرسمة بعد ما دخلت عليها تفاصيل جديدة

دا غلاف مجلة نسائية جديدة أسمها نساء ودا اول غلاف للمجلة والرسمة دي كانت عن ملف أسمه شبح العنوسة ....يارب تعجبكم

أحد الوجوه العربية القديمة

photoshop cs2 اللوحة دي مرسومة بـ

عيد الأم

بجد انا مش عارف اقول اية ....... بس انا حابب احتفل باليوم دة بطريقة مختلفة حابب اني افتكر مواقف امي معايا من صغري .............. ههههههههههههه لا ما تفهموش غلط انا مش ححكي قصة حياتي انما هاقول شوية مواقف ...... منها موقف لما ظهرت نتيجة الثانوية العامة وكان مجموعي يجيب فنون جميلة وانا كنت هاموت وادخلها وتيجي نتيجة امتحان القدرات غير لائق انا الفترة دي اكتئبت جااااااامد قوي وما حدش خرجني من حالة الاكتئاب دي غير أمي ........ساعات لما بكون مضايق بحس اني برتاح لما افضض معاها بالكلام ...... مواقف كتير قووي ....... وياريت كلنا في اليوم دة نفتكر الامهات دي بتتعب قد اية عشان ولدها ...... وجوهر اليوم دة يكمن في الاهتمام بيها مش مجرد هدية وخلاص

مي سليم

بطة وتيفة

دي كوميكساية كانت هتنتشر في وشوشة بس ما حصلش نصيب .......من تاليف صديقي الصحفي الجامد شريف عبد الهادي ورسومات العبد لله .....عن شخصيتين بنت اسمها بطة وشاب اسمه تيفة والاتنين مبهدلين بعض حب وحوارات ......يلا كل فالنتين وانتوا طيبين