أحمد حلمي ... من الممثليين الجامديين قوي واللي قدروا في وقت قصير يثبتوا موهبتهم وانهم عفاريت تمثيل
بس انا سمعت مقارنة من اتنين عن حلمي ومحمد سعد بما انهم طلعوا في نفس الوقت . طلعوا دي يعني ظهروا في نفس الوقت
اقروها عشان ما طولش عليكوا
س : شفت فيلم حلمي الجديد
ص: يالهوووي دا يا بني فيلم فاجر
س : شفت أخر ربع ساعة في الفيلم كانت عاملة أزاي
ص : يابني دا البهريز كله كان في أخر ربع ساعة دي
س: بهريز ايه يا عم الحج انا بكلمك علي الفيلم مش بكلمك علي مسمط حبايب السيدة
ص: بس حلمي بتعجبني طريقة تفكيرة قوي شوف مع انه ظهر مع محمد سعد انما قدر يعمل انجاز كبير
س: انا معاك مع ان الاثنين ظهروا مع بعض في وقت بس تحس ان سعد بيكرر نفسه في كل فيلم يعني من اول اللمبي لكركر يا قلبي لا تحزن
ص: صح انما حلمي با حس انه بيتعب عقبال ما بيلاقي فكرايه جامدة يعملها فيلم
س : انا بحس ان محمد سعد ما بيمثلش غير كاركترات وبيعتمد في ادائها علي نبرة الصوت والنيو بوك بتاع كل شخصية
ص: نيو بوك . انت شفت الفيلم في كتاب سلاح التلميذ ولا ايه ؟ ههههههههههه
س : انما حلمي فتحس انه بمثل شخصية بيلعب دور مش بيلعب علي المهارات في التقليد وبس
ص: معاك حق ربنا يكرم الاثنين والاثنين بصراحة فنانين والناس كلها بتحبهم جدا
دة الحوار اللي سمعته من اتنين شباب تعليقا علي فيلم كدة رضا . يارب يعجبكوا
اه. نسييت اقولكوا ان احمد حلمي بيعمل فيلم واحد في السنة وانه خد في فيلمه الاخير يا اما تلاته مليون او اكتر فا اعتقد دلوقتي حلمي قاعد بيعد الفلوس وبيقول كدة رضا اوي اوي اوي
12 comments:
السلام عليكم
........
لا يختلف اتنين على أحمد حلمى على انه ممثل قوى وبيطور نفسه من فيلم لفيلم
هو ممثل يستحق التقدير كومديا محترمة من غير اسفاف و وحركات واحد عبيط
الصورة جمدة اوى على فكرة تسلم ايدك
تحياتى
انا بموت فى احمد حلمى افلامه فعلا كلها حلوة ولذيذة اوى
فيلم كده رضا هو ظريف والقصة حلوة بس مش بيضحك خالص يعنى الكلام بيبقي لذذ بس مش بيضحك انا طول اليلم مضحكتش غير مرة واحدة وحاجة مش بضحك اوى بس فكرتنى بموقف اصل وانا صغيرة كنت فعلا بعتقد ان القلقاس ده بطاطس فضحكت اما بيقول انا مش بحب القلقاس عاملى فيها بطاطسههههههههههه
يعنى فيلم مطب صناعى كان بيضحك اكتر بكتير بس كده رضا اظرف وكرته حلوة اوى اوى
اه نست الرسمة بتاعتك طبعا تحفة كالعادة
السلام عليكم
ازيك يا عبده
انا شايفة ان مفيش وجه مقارنة اصلا بين سعد وحلمى
لان سعد اساسا مهرج ومبيقدمش حاجة عدلة
على فكرة بطل حسد فى خلق الله خلى ربنا يباركلك ويديك زى ما اداه
يلا سلااااااااام
زوزو
omG!! ur posts makes me laugh like hell!!! really ur so hilarouse!!
i loved the movie so much ely katabo fe3lan ragel demaaaa3'
ahmed helmy mas5ra aslan! i like his movies aktr men mohamed saad...can't skip a movie for him esra7a we keda reda kan na2la gamda awi awi leeh
p.s: i liked the pic
العجيب إن دراسة أحمد حلمي كانت في الاكاديمية ديكور
بينما محمد سعد تمثيل
أما هنيدي فكان إنتاج
بقى اللي دارس تمثيل ميمثلش
واللي دارسين ديكور وانتاج يمثلوا
مع الأسف بالرغم ما يواجهه سعد من نقد
إلا أنه الأعلى أجراً وجماهيريه
إلا أن حلمي بفيلمه الأخير أثبت بشكل عملي أنه ممثل محترف
رسمك جميل يا عبد الرحمن
بس الكتف اليمين محتاج نظرة
وياريت تحاول تشتغل بالألوان بدل من الفوتوشوب لأن ده هيرفع من مستواك في التلوين أكثر وهتحس اللون بشكل مختلف
:)
خالص تحياتي الفنية
ازيك يا عبدة ليك واحشة يا راجل
وردا على البوست بتاعك انا راى مع ان محمد سعد طلع مع حلمى الا ان حلمى احسن بكتيييير وكبر اكتر من محمد سعد وكل فلم بيعدى مرحلة جديدة فى حياتة الفنية انما سعد تحس انة واقف محلك سر مبيتحركش
وبالنسبة للرسمة فاكيد كالعادة فنااان
حلو قوي الرسمة
احلي من حلمي نفسة
والفيلم كمان حلو
وقدر ينفذ التلات شخصيات المختلفين
بطريقة جميلة
ومختلفة فعلا
تسلم ايديك
والله
يلا سلام
عوبــــــــــد الفنان
انا جيت وسع يا جدع
ههههههههه
الرسمة حلوة يا حاج
وبصراحة كده رضا قوى على احمد حلمى سواء على الرسمة او على النجاح اللى حققه الفيلم
بس سيبك انت اخبار المشروع معاك ايه؟
عملت دراسة جدوى وعرفت الارباح كام ولا المشروع حيخسرك؟
ايه ده هو انا بهيس ولا ايه ؟؟؟
يووووه انا قصدى مشروع التخرج
هههههههههه
اعذرنى يافنان ماهو لما حتبص على الوقت بتاع الكومنت حتعذرنى وانت عارف بقى
خد البوسة دى وادعيلى
اموووووووووووووووء
صراحه عندك حق
انا شايفه ان احمد حلمى ذكى جدا بيقدر فى كل فيلم يرفع نفسه درجه عن الفيلم اللى قبله
غير ناس تانيه بتكركر نفسها
قصدى بتكرر نفسها
وبلاش نفسنه ياعم خلى الراجل يعد
خلينا فى اللى احنا فيه
كده رضا وعال العال كمان
فعلآ كان فيلم جامد مووووووووت
بس الحوار ده أجمد
:)
السلام عليكم
قد تكون زيارتي الأولى أو الثانية
ولكن إليك مهمة من مهمات قادمة بيننا إن شاء الله بحكم قدراتك الفنية الجميلة في الكاريكاتير والرسم والتي أحبها جداً ولكني للأسف لا أجيد الكاريكاتير أما الرسم فقد كانت لي محاولات لا بأس بها في صغري
أما عن المهمة فعندما تنعم علي برد أو تعقيب على كلامي ولا أرهقك بطلبي هذا فسأعلمك وكل الأمر أنني أريد منك رسم كاريكاتير لمضوع معين لأضعه في بوست قادم
هذا إن تكرمت وقبلت ولم إن يكن لي الشرف فلقد تشرفت بمعرفتك على الأقل
مع أطيب تمنياتي بالتوفيق
تحياتي
هههههههههه
حلوة نيو بوك دي
لا وانت كاتب ان الحوار بين س و ص فكرتني بكتاب الرياضيات
بوست حلو موت
تسلم ايديك
Post a Comment