الصورة الأصلية 
الشيخ محمد متولي الشعراوي من العلماء الاسلاميين الكبار ......... ويمكن انا وجيلي ما عصرناش فترة توهجه احنا يمكن نكون عصرناه قبل مماته بقترة بسيطة بس انا مش ناسي حديث الجمعه بتاعه بعد الصلاة والموسيقي المميزة للبرنامج ............. ولا انكر حب والدي لهذا الرجل واعتقد ان والدي من اكثر الناس حرصا علي تجميع احاديث وتفسير القران للشيخ محمد متولي الشعراوي وتسجيلات قديمة فحبيت في مرة اقرا كتاب من الكتب بتاعه اللي عند والدي واللي بيحافظ عليها كانها ولاده فقريت كتاب اسمه الطريق الي الجنة وبصراحة انا كنت كل ما بقي عايز اسيب الكتاب امسك الكتاب تاني وعايز اكمله عجبني اسلوب الراجل دة جدا وهو اسلوب السهل الممتنع يعني بيشرح بطريقة سهله بسيطة بعيدا عن الكلمات والالفاظ الصعبة وغيرها من الكتب ........ انا حابب اهدي ليكوا الينك دة وفيه تفسير الشيخ الشعراوي لسور القران الكريم بصوته يارب يفديكوا
بالنسبة للرسمه انا اقول ولا بلافخرانا بعتبر البورترية دة من اجمل واشد البورتريهات اللي رسمتها في حياتي واكتشفت معني جميل جدا وانا برسم البورترية دة . انك لما تكون حابب الشغل او العمل اللي بتعمله بتستمتع بيه وبتنسي الدنيا كلها حواليك ودا اللي حصل معايا انا رسمت البورترية دة في يومين كاملين علي الفوتوشوب ومش قادر اقولكوا انا استمتعت بالبورترية دة قد ايه وساعد علي كدة اني حسيت ان وش الراجل دة منور وفيه هدوء غريب مش موجود في وشوش ناس كتير موجودة دلوقتي . في الرسمه الاولي اللي بالابيض والأسود دا الاسكتش الأولي للبورتريه والرسمه التانية دي بداية تلويني للبورتريه والتالته الشكل النهائي للبورتريه ...... بجد سعيد جدا بالبورترية ده وحابب اقول لنفسي برافو يا واد يا عوبد هههههههههههههههههههههههه
14 comments:
بعد السلام عليكم
تسلم ايدك يا عوبد
بجد مش جديد عليك انك تبهرنا بتحفك الفنية دي
وان شاء الله اتوقعلك مستقبل كويس في الرسم لانك من وجهة نظرة عديت مرحلة الموهبة بكتيييييييير وماشي في مرحلة الإجادة ومن ثم الوصول للأحتراف
وشغل احترافي فعلا يا عوبد
ورحمة الله علي شيخ الأمة الشعراوي
وما اعتقدش ان لغاية دلوقتي في إمام جه زي الإمام الشعراوى
وما اعتقدش انه هيتكرر
محمد فؤاد غناله اغنية وقال يارب يرزقنا تاني بشيخ جليل زيه
وأنا كمان باتمني ذلك
رحمة الله عليه
تحياتي ليك
وفي تقدم مستمر بإذن الله
بورترية تحفة بجد
تسلم ايدك
و ربنا يرزقنا بشيخ جليل يقوم يدعي الهدى لناسه زي الشيخ الشعراوي
أبو صلاح أبن الناظر
منور يا حج
والف شكرا طبعا علي الكلام الجامد دة والتشجيع الشديد دة
وانت كمان عارف راي في شغلك وانك عملت نقله لاسلوبك جامدة جدا وانا قولتلك الكلام دة قبل كدة . واتمنالك برضة مستقبل صحفي كبير جدا وانت قدها واناعارف دة كويس اوي
وفعلا الشيخ الشعراوي من الشيوخ اللي مش هيتعوضوا ابدا وعلي رايك وراي الاغنية بتاعه محمد فؤاد ربنا يرزقنا زيا بشيخ جليل
سعيد جدا بتعليقك يا حج
كاتشاب
ميرسي ليك يا مان علي التعليق الحلو دة
وربنا انشاء الله يرزقنا بشيخ جليل زي كده
لان الراجل دة ساب اثر كبير في قلوب ناس كتير ربنا يرحمه ويجزيه خير علي كل اللي عمله
الصورة القبل النهائية هي في اعتقادي أحسن صورة كبورتريه مرسوم لأن الصورة الأخيرة تكاد تكون مثل الاصل وهذا يفقدنا الأحساس بأنها لوحة مرسومه
العمل ككل متميز وإن كنت من محبي البورتريهات الواضح من تقنية رسمها أنها لوحات فنية وليست صور فوتوغرافيه مطابقة تماما للواقع
خالص تحياتي
الفنان ياسر حسين
الف شكر يا استاذنا علي التعليق الجميل دة والشرح المبسط للرسمه
انا معاك فعلا ان الرسم القبل النهائي يكاد يكون اقرب الي احساسي واستايلي في الرسم ومتفق جدا معاك ان الرسمه لازم تكون فيها بصمه الشخص اللي رسمها...... يعني مثلا لو جبنا ميت رسام وقعدنا قدامهم واحد بس هيطلعلنا ميت رسمه بميت اسلوب وتقنيه مختلفه
وعلي فكرة اسما برضة قالتلي الملحوظة دي
بس انا يمكن اتحديت نفسي في الرسمه دي اني اقدر اجيب البورترية الي اقرب شكل من الصورة للصورة الاصلية واعتقد اني نجحت في دة
ملحوظة مهمة فعلا يا فنان وانا مقدر جدا تشجيعك ليا
تحياتي ليك
اقل ما توصف به كلمتين
((((((((((((((((فنان مبدع )))))))))))))))
ناجي العلي 2000
الف شكر يا حازم علي الكلمتين الجمال دول
وبسعد بتعليقك دايما يا زميل
والله ياعبرحمن خايف أقولك إني قاعد بقالي ساعة بلعب لعبة الاختلافات بين الأصل والبورتريه تقول إني بتهمك بالشف
مش عارف ليه حاسس انها مشفوفة على الأقل الخطوط الأولية كمجرد
Guide
لو مش شافف أو لو مش عامل "جايد" من الصورة الأصلية يبقى انت مشكلة فعلا
أقدر أقولك وانا مرتاح انك وصلت لمستوى الكمال في اللوحة دي
فعلا هي مثالية ، ودقيقة لدرجة ان صعب تفريقها عن الأصل ، يادوبك بس الاختلاف الوحيد هو ملمس القفطان خاصة ناحية اليمين
دي مشكلة الاتقان اللي بيوصل للكمال
اللوحة تزيد جمال وتزيد وتزيد لحد ما هووب
خلاص بقت هي الأصل :) فوتوغرافية جدا
تعرف بجد :) اللوحة دي ممكن تكون دعائية جدا لشركة جينيوس ، لأنهم لما عملوا التابليت بتاعهم ماكنش في بالهم ان يطلع منه الشغل ده
والله مش بهزر ولا بجامل
مش شايف ان المرحلة قبل الأخيرة هي الأجمل
الأجمل هو إعادة صياغة كاملة للبورتريه زي ما عملت مع وجه أسماء اللي بعتبره الأفضل فنيا
انما اللوحة دي هي الأروع على الإطلاق بمقياس الاتقان والحرفية
انا كنت عملت حاجة كده بس لهيفاء وهبي زمان ، رسمتها بالماوس في ثلاثة أيام بس برضه ماطلعتش كده
تحياتي يا باشا
وإلى الامام دائما
أشرووووووووف الجميل
والله العظيم ما شافف الصورة
والرسمة كلها من اولها لأخرها بأيدي ومش واخد من الصورة الاساسية جايد للرسمة . كل الرسمه بأيدي
وأنا معاك فعلا اني كنت عايز الرسمه متقنه فقعد اجود في الرسمه كل شوية وازود لها الوان عشان انا كنت عايزها تطلع زي الاصل تمام
وبعدين هيخدوا الرسمه دي دعايه ليهم طب ياريت علي الاقل يغيروا من فكره ان منتجهم دا علي قده وكده وانك ممكن تعمل بيه الشغل الاحترافي
وتفق معاك انا بورترية اسما هو الاشد كتينيك فني وان بورترية الشيخ الشعراوي هو الاشد كأتقان وحرفية
سعيد جدا بتعليقك يا حبي وكان نفسي اشوف البورترية بتاع هيفا دة اللي انت بتقول انك رسمته
Jessica
i am very glad about your comment
.... you welcome any time
عجبني قوي البورتريه في صورتة الأخيرة
في كل مرة بتثبت انك فنان بورتريه رائع وموهبه مميزه
الاّء
ميرسي ليكي يا الاّء علي الكلام الجميل دة
وانتي فنانه جميله يا الاّء وكتاباتك هايله
منورة دايما المدونة يا الاّء
Post a Comment