صورة تذكارية مع الفنان مصطفي حسين في افتتاح معرض الفنان أبراهيم البريدي بساقية الصاوي عام 2008-----------------------------------------------------------------------------------------
عقلي وقلبي وكل مشاعري خارج السيطرة، فإن إنسانا من أعز الناس يقف الآن علي حافة الحياة.. وأتوسل إلي الله ألا يغيب عن ناظري.مصطفي حسين الذي قاسمني أعنف معارك الصحافة يخوض الآن وحده آخر معارك العمر
دفاعا عن الحياة.صلوا معي من أجل مصطفي حسين .
أحمد رجب
---------------------------------------------------------
دي كلمات الكاتب الكبير الأستاذ أحمد رجب ونشرت اليوم 17 -11- 2008
انا لما قريت الكلمات دي اتاثرت جدا ... واللي ما يعرفش الموضوع فا احب اوضح ان كان في فترة زعل كبيرة بين الاستاذين مصطفي حسين واحمد رجب وحصلت محاولات كتيرة للصلح بينهم بس ما اثمرتش علي نتيجة مفيدة.. كلنا توقعنا بعد كدة ان يبقي في بعد بينهم ولكن بكلمات الاستاذ احمد رجب النهاردة اثبت ان فعلا عمر ما في حاجة اسمها صداقة وانتهت .... دعواتي لأستاذي الكبير مصطفي
حسين بالشفاء العاجل ويارب يرجعلنا بالسلامه
---------------------------------------------------------------
وعشان كدة انا رسمت البورتريه دا مخصوص لأستاذنا مصطفي حسين واتمني من الله ان يشفيه من مرضة ويعود لكل محبيه بالسلامه
7 comments:
انا علي فكره يا عبده ماكنتش اعرف موضوع الزعل بين الكاتب الككبير احمد رجب وفنانا الكاريكاتير اللي مالوش حل مصطفي حسين بس بعد ماقريت الكلمات دي بجد فعلا الصديق بيبان وقت الشده .......وبتمني للفنان مصطفي حسين الشفاء العاجل ويرجع بالف سلامه
اه استني نسيت اقولك اني برضه اول تعليق ويارب اكون دايما الاولي
منمن الجميلة
منورة المدونة علطول وسعيد طبعا انك اول تعليق .... وخلاص انا حجزت اول تعليق دا ليكي
الاستاذ مصطفي والاستاذ احمد رجب كان فعلا في بينهم فترة زعل كبيرة ولكن فعلا النوايا الحسنة بتبان في الشدائد
ربنا يشفي الاستاذ مصطفي ويقومه بالسلامه الراجل دا لا قدر الله لو حصله حاجة هزعل جدا
ربنا يشفيه يارب
ربنا يخليكي ليا يا منمن وما يحرمني من تعليقاتك ابدا
عادى جدا ان يكون بيننا استاذ...لكن مصطفى حسين..صاحب الريشه الذهبيه قد تفرد بالعبقريه
عمرو فهمى
الفنان عمرو فهمي
اولا : احب اشكرك علي زيارتك للمدونة وتعليقك الجميل
ثانيا : انا متفقك معاك فعلا ان الاستاذ مصطفي مش مجرد فنان وبس دا اسطورة رسم واستاذ لجيل كبير من الرساميين الحاليين والرساميين الشباب الجدد
ربنا يشفيه استاذنا مصطفي ويرجعنا بالف سلامه
ربنا يشفيه
ياسمين حميد
يارب يا ياسمين يشفية .... ويرجع بالسلامة
Post a Comment